VOV4.Êđê - Hŏng anăn “Trường Sơn Lăn dap kngư: Hgŭm mguôp – Jiă knhuah djuê ana lehanăn đĭ kyar”, mmăt hruê 16/3, ti wăl krah anôk bruă kdriêk Kon Plŏng, čar Kon Tum mkŏ mjing leh Knăm Klei bi lông hưn mthâo knhuah dhar kreh kdŏ mmuñ mơ̆ng đưm dŭm djuê ana krĭng Trường Sơn – lăn dap kngư pŏk mlar tal III thŭn 2022.

Nao ti knăm anei, mâo êbeh 600 čô mbruă, phung nghệ sỹ, diễn viên dŭm djuê ana mơ̆ng 19 čar, ƀuôn prŏng hlăm kluôm ala.Mkŏ mjing hlăm 4 hruê,mơ̆ng hruê 16 truh hruê 19/3, Knăm anei srăng mâo dŭm hdră bruă: Hưn mdah dŭm hdră mjĕ mjuk dhar kreh ai tiê klei mĭn, knăm m’ak, dŭm ênhiang kdŏ mmuñ, hưn mthâo kdrăp čŭt h’ô djuê ana, kdrăp tông ayŭ djuê ana mơ̆ng đưm, Čing čhar lăn dap kngư lehanăn dŭm hdră mjuăt ktang asei mlei, bi mjĕ mjuk dhar kreh mnơ̆ng ƀơ̆ng huă kñăm kriê pioh, mtô mblang lehanăn mđĭ lar knhuah tŭ yuôm knhuah dhar kreh, knăm m’ak djuê ana mơ̆ng đưm...mơ̆ng êpul êya dŭm djuê ana krĭng Trường Sơn – Lăn dap kngư lehanăn bi ala dŭm djuê ana ayŏng adei hlăm kluôm ala./.

H’Nêč pô mblang