VOV4.Êđê- Hruê 19/5, ti ƀuôn prŏng Ƀuôn Ama Thuôt, Êpul hgŭm Nhạc sĩ Việt Nam bi hgŭm hŏng čar Dak Lak mkŏ mjing Klei bi lông kdŏ mmuñ kluôm ala tal 1 thŭn 2022 mâo êpul phung văn nghệ sĩ mơ̆ng 20 čar, ƀuôn prŏng kluôm ala nao hgŭm. Mkŏ mjing truh kơ jih hruê 20, knăm anei mâo 52 hdră kdŏ mmuñ, tông ayŭ nao bi lông. Boh phŭn bi mni kơ Đảng, Awa Hô, lăn čar lehanăn mmuñ kơ êa ksĭ, plao ksĭ Việt Nam; boh tŭ dưi mâo, hdră mkŏ mkra krĭng ƀuôn sang mrâo. Boh nik, mâo lu ênhiang kdŏ mmuñ jiă knhuah mdê bi krĭng, boh nik krĭng lăn dap kngư.

Knăm anei jing hruê m’ak mơ̆ng phung nhạc sĩ lehanăn mnuih ƀuôn sang khăp klei kdŏ mmuñ mbĭt anăn kñăm bi mni, hưn mthâo dŭm klei mmuñ mrâo, lŏ dơ̆ng mtrŭt mđĭ hdră tui ksiêm mrâo hlăm bruă čih mčeh, mjuăt bi hriăm hdră kdŏ mmuñ; anei ăt jing wưng bi tuôm, bi mjĕ mjuk hdră kdŏ mmuñ plah wah phung nhạc sĩ, nghệ sĩ mkăp kơ klei čiăng dlăng mơ̆ng mnuih ƀuôn sang./.

                                                    Pô mblang: H’Nêč Êñuôl