VOV4.Êđê - Tlam mbruê, ti tač čưng boh Pleiku mkŏ mjing leh knăm mphŭn pŏk Klei bi lông Mjuăt asei mlei čar Gia Lai tal IX thŭn 2022. Knăm anei mâo 20 êpul mjuăt ktang asei mlei mơ̆ng 17 kdriêk, wăl krah, ƀuôn prŏng lehanăn 3 anôk bruă, mâo: Kahan ksiêm, Mtô bi hriăm, Lĭng kahan hŏng êbeh 1.800 čô nao hgŭm. Phung bi lông srăng bi lông ti 19 mta klei, mâo: Čưng boh, pah boh, ktŭng klei, luê, mnah hna, ktrŭt hlâo, pah mlâo mnŭ, karate, tawondo, vovinam…

Mkă hŏng Klei bi lông tal VIII, thŭn anei lŏ mâo klei bi lông luê. Êlâo knăm mphŭn pŏk, hruê 09/8, Knăm anei mkŏ mjing lẹh lu klei bi lông. Tĭng truh tlam hruê 18/9, êpul bi lông mơ̆ng Pleiku dôk ba akŏ, kdriêk Ia Grai dôk mrô 2 hŏng 24 Medai êa Mah, kdriêk Đức Cơ dôk tal 3. Klei bi lông srăng mjưh ruê̆ hlăm hruê 23/9./.

H’Nêč pô mblang