VOV4.Êđê- Mmăt 11/1, ti ƀuôn prŏng Ƀuôn Ama Thuôt, Dhar bruă mjuăt ktang asei mlei, Êpul hgŭm peng pŏng Việt Nam bi hgŭm hŏng Knơ̆ng bruă sang čư̆ êa čar Dak Lak mkŏ mjing klei mphŭn pŏk Gưl pah mni dŭm êpul pah peng pŏng ala čar 2021. Klei bi lông mkŏ mjing mơ̆ng mmăt hruê 11 truh 15/1/2022. Klei bi lông thŭn anei mâo 152 čô bi lông mơ̆ng 22 Êpul pah peng pŏng ti 10 čar, ƀuôn prŏng mâo hdră pah peng pŏng đĭ kyar msĕ si: Hà Nội, ƀuôn prŏng Hồ Chính Minh, Đà Nẵng, dŭm čar Hải Dương, Hải Phòng, Khánh Hòa, Lâm Đồng, Nghệ An, Bình Dương leh anăn Dak Lak.

Phung bi lông srăng bi lông mă 14 međai dŭm mta msĕ si: êpul êkei, mniê, dua čô êkei, mniê, sa čô êkei, mniê. Hluê si Anôk bruă mjing, anei jing klei bi lông hlăm hdră bi lông pah peng pŏng, Êpul hgŭm pah pĕng pŏng Việt Nam srăng ruah phung bi lông êdah kdlưn čiăng lŏ dơ̆ng mtô bi hriăm, mbŏ hlăm dŭm êpul pah peng pŏng ala čar.

Pô mblang: H’Zawut Ƀuôn Yă