VOV4.Êđê- Mlam mmăt mbrue (19/4) Hrue knăm dhar kreh djăp djuê ana čar Gialai gưl tal sa thŭn 2022, mâo pŏk leh ti wăl tač bi mguôp prŏng, ƀuôn prŏng Pleiku. Mâo mkŏ mjing hlăm dua hrue mơ̆ng hrue 19-20/4, Hrue knăm dhar kreh djăp djuê ana čar Gialai tal sa thŭn 2022 mâo giăm 800 čô mnuih mbruă, phung knuă druh mơ̆ng djăp djuê ana ti jih 16 boh kdriêk, wăl krah, ƀuôn prŏng hlăm čar.

Hrue mơak anei jing sa hlăm dŭm bruă nga kñăm bi kriê pioh, mđĭ bi lar knhuah gru dhar kreh mơ̆ng djăp djuê ana ti čar Gialai, kkuh mơak hrue dhar kreh djăp djuê ana Việt Nam (19/4); bi hdơr 47 thŭn Hrue kwar Dhŭng mâo klei êngiê, mhul lir lăn čar, lehanăn 90 thŭn hrue mkŏ mjing čar Gialai. Hrue knăm mơak djăp djuê ana čar Gialai ăt jing wưng čiăng kơ phung ƀuôn sang djăp djuê ana hlăm čar mâo klei bi tuôm, mjĕ mjuk, bi êmuh hriăm lehanăn hyuă kjăp hĭn klei bi mguôp./.

Pô mblang: Y-Khem Niê