VOV4.Êđê- Aguah mbruê 10/2, ti sang kriê pioh hƀuê ênuk, sang dlăng hră čar Kon Tum, êpul hgŭm phung čih klei mrâo čar Kon Tum mkŏ mjing leh knăm klei mrâo yan mnga Nhâm Dần čar Kon Tum thŭn 2022 hŏng akŏ “Mơak Đảng hing ang, mơak yang mnga Nhâm Dần”. Blŭ hlăm knăm pŏk, k’iăng khua bruă sang čư êa čar Kon Tum Nguyễn Hữu Tháp mñă klă, knăm klei mrâo yan mnga thŭn 2022 jing hruê kơ jih jang phung čih mkra klei mrâo, đru ba mdah dŭm mnơ̆ng dhơ̆ng bruă klei mrâo truh kơ jih jang ƀĭng dlăng, mđĭ ai klei mă bruă knuă, klei thâo mbruă mơ̆ng êpul čih mkra klei mrâo kñăm mâo ênŭm klei mrâo truh ƀĭng dlăng, ƀĭng dôk hmư̆.

 Phung dôk dlăng hră klei mrâo yan mnga Nhâm Dần čar Kon Tum thŭn 2022

Hlăm knăm anăn thŭn 2022 lŏ mâo lu mta bruă mkăn msĕ si: Lông ƀơ̆ng mta mnơ̆ng ƀơ̆ng knhuah gru mơ̆ng mnuih Bahnar, Jeh Triêng, anôk răng mdah rup lăn leh anăn mnuih Kon Tum, hưn mdah dŭm mta mnơ̆ng dhơ̆ng OCOP mơ̆ng čar hŏng 5 anôk rang mdah…

Hưn mdah mnŏng ƀŏng hlăm knăm klei mrâo yan mnga Nhâm Dần čar Kon Tum thŭn 2022

Mkŏ mjing mơ̆ng hruê 10 - 13/2, knăm klei mrâo thŭn 2022 jing wưng kơ phung čih mkra klei mrâo hlăm dŭm anôk bruă bi tuôm, bi hriăm klei thâo hdơ̆ng pô, mơ̆ng anăn dưi mâo lu hĭn klei thâo hlăm klei ngă bruă.

Pô mblang: Y-Khem Niê