VOV4.Êđê - Aguah mbrue (26/4), ti alŭ wăl mjuăt asei mlei Kahan ksiêm čar Kontum mkŏ mjing leh knăm pŏk klei bi lông tenis Êkei mniê gưl ala car đĭng Jô Sâm Ngọc Linh Kontum K5 thŭn 2022. Anei jing gưl tal êlâo čar Kontum lehanăn ăt jing čar tal êlâo hlăm alŭ wăl Lăn Dap Kngư hlăk mkŏ mjing klei bi lông anei.

Dưi mkŏ mjing hlăm 7 hrue, mơ̆ng hrue 26/4 – 2/5, mâo truh 140 čô mnuih nao bi lông hlăm Việt Nam lehanăn mnuih Việt Nam ti ala tač êngao nao bi lông. Nga 5 mta klei pah mni jing: Hliê êkei, hliê mniê; mkruôp êkei, mkruôp mniê, lehanăn mkruôp êkei mniê. Phung bi lông dưi nao hlăm dua mta bi lông. Khua Anôk bruă mkŏ mjing klei bi lông lač, klei pah mni mâo mkŏ mjing kñăm mjing klei găl kơ phung bi lông lŏ mđĭ hĭng klei thâo pô, lehanăn mprăp kơ klei bi lông Seagame 31./.

Y-Khem pô mblang