Pŏk ngă 2 klei bi lông rup kơ Ƀuôn Ama Thuôt, Dak Lak
Thứ năm, 13:36, 09/03/2023
VOV Tây Nguyên
VOV Tây Nguyên
VOV4.Êđê- Aguah 8/3, Êpul hgŭm čih mčeh kdŏ mmuñ Dak Lak mkŏ mjing knăm bi hdơr 70 thŭn Hruê knhuah gru mă rup Việt Nam leh anăn pŏk ngă 2 klei bi lông rup “Ƀuôn Ama Thuôt - Dak Lak ñŭ kma leh anăn mđĭ kyar” leh anăn “Rup knăm mơak Kphê Ƀuôn Ama Thuôt tal 8, thŭn 2023”.
Hlăm knăm mơak, phung bi ala hrăm mbĭt lŏ dlăng wĭt hƀuê ênuk knhuah gru 70 thŭn rup Việt Nam leh anăn Dak Lak. Ti Dak Lak, leh êbeh 30 thŭn yap mơ̆ng leh mkŏ mjing, êpul hgŭm mă rup (hlăm Êpul hgŭm čih mčeh kdŏ mmuiñ) truh ară anei mâo leh 33 čô, hlăm anăn mâo 17 čô jing phung hgŭm mă rup Gưl dlông; mâo 4 čô dưi mđup brei anăn knăl pô mă rup kdlưn hĭn.
Phung mă rup Dak Lak păn kjăp hdră tă mơ̆ng Đảng, mâo pŏk rup lu jơr kơ djăp mta bruă hlăm klei hdĭp mda, dhar kreh ala ƀuôn, mđĭ kyar bruă duh mkra, klei êđăp ênang ala čar, ñŭ kma hŏng tač êngao, tui hriăm knhuah mngač Hồ Chí Minh… Đru hưn mdah rup Dak Lak, Lăn Dap Kngư, lăn čar anak mnuih Việt Nam hŏng phung hlăm ala čar leh anăn ala tač êngao./.
Viết bình luận