VOV4.Êđê- Klei bi lông Futsal HDBank gưl ala čar thŭn 2022 pŏk leh ti ƀuôn prŏng Đà Lạt, čar Lâm Đồng hrue mbrue (1/6), jih jang bruă mprăp êmiêt mâo leh êpul mkŏ mjing, lehanăn dŭm dhar bruă djŏ tuôm čar Lâm Đồng ngă hŏng klei kjăp. Klei bi lông anei mâo 11 êpul nao bi lông. Êpul mkŏ mjing ngă mâo dua gưl bi lông, kñăm mđĭ ai bi lông. Gưl tal êlâo mơ̆ng hrue 1/6 truh hrue 9/6, hŏng 5 êpul bi lông. Dŭm êpul anei srăng bi lông dar lehanăn mă puăng dăp. Hlăm anăn 4 êpul mâo puăng kdlư̆n hĭn dưi mŭt gưl dua. Hlăm gưl anei mâo 10 êpul bi lông dar mơh hlăm dua tuôr nao lehanăn wĭt mkŏ mjing mơ̆ng hrue 13/6 – 4/7 ti anôk mjuăt asei mlei čar Lâm Đồng, gưl wĭt mơ̆ng hrue 5/11 truh hrue 26/11/2022, ti sâng bi lông Cần Thơ./.

Pô mblang: Y-Khem Niê