VOV4.Êđê - Hrue 9/6, Khua knŭk kna Phạm Minh Chính mâo bi klă leh bruă ruah mdưm Đỗ Tiến Sỹ nao păn ngă knơ̆ng khua kiă kriê sang mđung asăp blŭ Việt Nam VOV. Klei mklă mklơ̆ng ruah mdưm anei kơ Đỗ Tiến Sỹ, ñu jing khua hlăm Êpul kiă kriê bruă Đảng gưl dlông, Khua bruă Đảng čar Hưng Yên wưng thŭn 2020 – 2025, Khua êpul pô bi ala bruă kƀĭn ala gưl 14, čar Hưng Yên nao păn ngă knơ̆ng khua kiă kriê sang mđung asăp blŭ Việt Nam, klei mklă mklơ̆ng anei mâo klei tŭ dưn mơ̆ng hrue 9/6.

Đỗ Tiến Sỹ kkiêng thŭn 1965, ƀuôn sang, să Đình Dù, kdriêk Văn Lâm, čar Hưng Yên. khua hlăm êpul kiă kriê bruă Đảng gưl dlông gưl 12; 13, pô bi ala bruă kƀĭn ala gưl 14. Mâo hnơ̆ng hriăm bruă kđi čar; Gưl kdlưn hĭn, mâo hnơ̆ng thâo hlăm bruă jing thạc sĩ quản trị kinh, cử nhân Sư phạm toán. Êlâo kơ đĭ păn bruă knơ̆ng khua kiă kriê sang mđung asăp blŭ Việt Nam ñu tuôm ngă leh dŭm mta bruă: k'iăng khua bruă Đảng, k'iăng khua hlăm êpul kiă kriê Đảng, Khua bruă Đảng čar Hưng Yên, Khua knơ̆ng bruă sang čư̆ êa čar Hưng Yên./.

Y Khem pô mblang