VOV4.Êđê - Aguah hruê 10/8, ti Anôk bruă mđung asăp ala čar, mrô 58 Quán Sứ, Hà Nội, Sang mđung asăp blŭ Việt Nam mkŏ mjing leh Knăm hưn mthâo klei bi mklă kơ Đỗ Tiến Sỹ, Khua hlăm Anôk kiă kriê bruă Đảng gưl dlông, Khua knơ̆ng Sang mđung asăp blŭ Việt Nam nao hgŭm hlăm Anôk bruă kiă kriê lehanăn păn ngă Khua bruă Đảng Sang mđung asăp blŭ Việt Nam wưng thŭn 2020-2025.

Jao klei bi mklă kơ Đỗ Tiến Sỹ, Huỳnh Tấn Việt, Khua bruă Đảng Êpul dŭm anôk bruă hlăm gưl dlông h’êč hmưi leh kơ Đỗ Tiến Sỹ - Khua knơ̆ng Sang mđung asăp blŭ Việt Nam păn ngă Khua kiă kriê bruă Đảng mơ̆ng anôk bruă wưng thŭn 2020-2025 mbĭt anăn bi êdah klei đăo knang Đỗ Tiến Sỹ srăng hgŭm mbĭt hŏng êpul knuă druh Sang mđung asăp blŭ Việt Nam mkŏ mkra, mđĭ kyar Sang mđung asăp blŭ kjăp ktang, hgŭm mguôp, djŏ hŏng klei čiăng ƀrư̆ hruê ƀrư̆ đĭ mơ̆ng sa anôk bruă klei mrâo ênuk mrâo, mâo lu mta, lu tur knơ̆ng kjăp./.

H Nêč pô mblang