VOV4.Êđê -  Tui hruê mbruê 16/6, tŭ mă ênoh 10 êklai prăk mơ̆ng knơ̆ng bruă Hyosung Việt Nam lehanăn 1 êklai prăk mơ̆ng phŭn bruă Rŭ mdơ̆ng, khua hlăm êpul gĭt gai Đảng gưl dlông, khua kiă kriê dhar bruă mặt trận čar kwar gưl dlông Việt Nam brei thâo: truh kơ ară anei, ênoh prăk đru mguôp dưi bi mŭt hlăm keh prăk vaccine mơ̆ng dŭm anôk bruă, knơ̆ng bruă lehanăn dŭm čô mâo ai tiê kmah, truh leh ênoh 5 êbâo êklai prăk. anei jing klei bi mguôp prŏng prĭn mơ̆ng djuê ana hlăm bruă mdrơ̆ng hŏng klei ruă tưp. Bi ala kơ êpul khua kiă kriê dhar bruă mặt trận čar kwar gưl dlông Việt Nam, Đỗ Văn Chiến mâo leh klei lač jăk kyua klei đru mguôp hlăm bruă gang mkhư̆ klei ruă tưp mơ̆ng dŭm čô knuă druh, mnuih mă bruă knŭk kna, mnui mă bruă lehanăn boh nĭk dŭm knơ̆ng bruă ala tač êngao dôk mă bruă ti ala čar Việt Nam. Čiăng dưi ngă bruă kñăm tlŏ mgang vaccine kơ 70% ênoh mnuih ƀuôn sang hlăm thŭn 2012, čiăng blei 150 êklăk hnơ̆ng vaccine gang mkhư̆ klei ruă tưp Covid-19 hŏng ênoh prăk tĭng knăl hlăm brô 25,2 êbâo êklai prăk.