VOV4.Êđê- Hrue mbrue (6/9), Êpul kiă kriê bruă mdrơ̆ng hŏng klei ruă tưp Covid 19 čar Lâm Đồng mâo leh hră mtrŭn kơ bruă mdei hlue ngă klei bi ktlah hlue asăp mtrŭn mrô 16 hŏng dua să hlăm ƀuôn prŏng Đà Lạt leh klei ruă tưp mơ̆ng knơ̆ng bruă êwei Đà Lạt dưi mkhư̆ leh. Êlâo anăn, čar lâm Đồng mâo 2 čô mnuih mâo kman sar cov 2, jing mnuih ngă bruă knơ̆ng bruă êwei Đà Lạt ti să Trạm Hành, leh mơ̆ng anăn klei ruă tưp lar truh hlăm yang ƀuôn.

Čar Lâm Đồng pral hlue ngă asăp mtrŭn mrô 16 hŏng dua să lač anăn jing Xuân Trường lehanăn Trạm Hành hlăm ƀuôn prŏng Đà Lạt, lehanăn ktuh êyuh tui duah hrŏng ksiêk ba bi ktlah, kñăm mkhư̆ klei ruă tưp. Leh êbeh 1 mlan ngă bruă hŏng lu hdră, truh kơ ară anei anôk mâo klei ruă tưp anei dưi mkhư̆ leh, hŏng jih jang êbeh 150 čô mnuih djŏ tuôm mâo kman. Tĭng truh krah yang hrue dơ̆ng hrue mbrue, Lâm Đồng mâo truh 258 čô mnuih mâo kman, hlăm anăn ƀuôn prŏng Đà Lạt mâo jih jang truh 157 čô mnuih ruă./.

Pô mblang: Y-Khem Niê