VOV4.Êđê - Ƀri bi hdơr 96 thŭn Hruê bruă klei mrâo Cách mạng Việt Nam (21/6), aguah hruê 18/6, lu êpul bi ala nao h’êč hmưi, mtrŭt mđĭ ai leh phung mă bruă klei mrâo mơ̆ng Sang mđung asăp blŭ Việt Nam, Nao lehanăn h’êč hmưi Sang mđung asăp blŭ Việt Nam, phung bi ala lač jăk klei bi hgŭm mơ̆ng Sang mđung asăp blŭ Việt Nam hrăm mbĭt hŏng dŭm phŭn, dhar bruă lehanăn bruă sang čư̆ êa alŭ wăl hluê ngă leh hdră mtô mblang kơ hdră mtrŭn mơ̆ng Đảng, knŭk kna truh kơ jih jang mnuih ƀuôn sang kluôm ala čar, boh nik ti krĭng taih kbưi, krĭng mnuih djuê ƀiă, krĭng knông lăn, plao ksĭ. Phung khua kiă kriê Sang mđung asăp blŭ Việt Nam mñă klă: Sang mđung asăp blŭ Việt Nam brei hưn lač klă mngač, djăp ênŭm boh klei mâo hlăm bruă duh mkra – kđi čar – ala ƀuôn mơ̆ng lăn čar. Phung khua kiă kriê Sang mđung asăp blŭ Việt Nam čang hmăng hlăm wưng ti anăp, dŭm phŭn, dhar bruă, êpul êya gưl dlông, dŭm alŭ wăl srăng lŏ dơ̆ng bi hgŭm kjăp hŏng Sang mđung asăp, djŏ hŏng klei čiăng mơ̆ng mnuih ƀuôn sang./.

Y Khem pô mblang