VOV4.Êđê- Ti sang Quốc hội, dŭm anôk bruă mơ̆ng Quốc hội, Anôk bruă mơ̆ng Dhar bruă gĭt gai Quốc hội, Adŭ bruă Quốc hội mkŏ mjing leh knăm bi mkrum mguôp kơ keh mdrơ̆ng hŏng klei ruă tưp covid 19. Ti anăp klei dleh dưi ksiêm dlăng mơ̆ng klei ruă tưp Covid 19, čiăng bi đru klam klei dleh dlan, hrăm mbĭt bi mguôp ai tiê mdrơ̆ng hŏng klei ruă tưp, sa ai hŏng klei Dhar bruă mặt trận čả kwar gưl dlông Việt Nam iêu mthưr, mâo klei tŭ ư mơ̆ng phung khua kiă kriê Quốc hội, Adŭ bruă Quốc hội mkŏ mjing gưl bi mkrum kơ keh mdrơ̆ng hŏng klei ruah tưp covid 19.

Khua čih hră, Khua adŭ bruă Quốc hội Bùi Văn Cường brei thâo anei jing bruă yuôm bhăn, lehanăn mtă kơ jih jang puhng bi ala Quốc hội ngă bruă klam hlăm dŭm anôk bruă Quốc hội, dŭm anôk bruă hlăm Dhar bruă gĭt gai Quốc hội, lehanăn jih jang phung knuă druh, mnuih ngă bruă hlăm adŭ bruă Quốc hội jih ai tiê bi mkrum, sa hrue prăk mlan kơ dlông. Leh mkŏ mjing knăm bi mkrum anei, adŭ bruă Quốc hội ba leh 350 êklăk prăk bi mkrum anăn kơ Dhar bruă mặt trận čar kwar gưl dlông Việt Nam./.

Pô mblang: Y-Khem Niê