VOV4.Êđê- Aguah hruê 1/7, ti ƀuôn prŏng Kon Tum, Êpul gơ̆ng bruă mnuih ƀuôn sang čar Kon Tum mphŭn pŏk leh Klei bi kƀĭn tal 1, wưng thŭn 2021 – 2026. Ti anôk bi kƀĭn tal êlâo mơ̆ng wưng păn bruă, Êpul gơ̆ng bruă mnuih ƀuôn sang čar Kon Tum hluê ngă leh hdră ruah phung khua kmeh gơ̆ng hlăm Êpul gơ̆ng bruă mnuih ƀuôn sang čar gưl XIII.

Klă klơ̆ng, Dương Văn Trang, Khua hlăm Anôk bruă Đảng gưl dlông, Khua bruă Đảng čar, bi ala Êpul gơ̆ng bruă mnuih ƀuôn sang čar dưi ruah păn ngă Khua kiă kriê Êpul gơ̆ng bruă mnuih ƀuôn sang čar Kon Tum gưl XII, wưng thŭn 2021 – 2026 hŏng eneoh hră mplĕ tŭ ư mâo 100% phung bi ala nao ti anôk bi kƀĭn. Dương Văn Trang, kkiêng hruê 20/12/1961. Ƀuôn sang ti să Đức Lợi, kdriêk Mộ Đức, čar Quảng Ngãi. Hnơ̆ng hriăm: Cử nhân Quân sự. Lý luận chính trị: Cao cấp. Klei bi kƀĭn ruah leh Nguyễn Thế Hải lehanăn aduôn Nghe Minh Hồng, K’iăng khua kiă kriê Êpul gơ̆ng bruă mnuih ƀuôn sang čar Kon Tum gưl XI lŏ djŏ ruah ngă K’iăng khua kiă kriê Êpul gơ̆ng bruă mnuih ƀuôn sang čar Kon Tum gưl XII./.

Pô mblang: H’Nêč Êñuôl