VOV4.Êđê - Hluê si klei hưn mơ̆ng Phŭn bruă mdrao mgŭn, gưl bluh mâo klei ruă tal 4 (mơ̆ng hruê 27/4 truh kơ ară anei), ênoh mnuih ruă mrâo hlăm ala čar truh 271.037 čô, hlăm anăn mâo 99.730 čô ruă Covid 19 dưi hưn mthâo hlao leh. Hlăm hruê mbruê, 15/8, mâo 5.519 čô hlao, mđĭ ênoh mnuih dưi mdrao hlao truh 102.504 čô. Mâo 5 čar, ƀuôn prŏng êgao leh 14 hruê amâo mâo mnuih ruă mrâo hlăm čar: Quảng Ninh, Bắc Kạn, Tuyên Quang, Lai Châu, Hoà Bình. Mâo 7 čar, ƀuôn prŏng amâo mâo ôh mnuih tưp klei ruă hlăm alŭ wăl hlăm wang 14 hruê êgao mâo: Lào Cai, Kon Tum, Hà Giang, Yên Bái, Thái Bình, Bắc Giang, Hải Phòng. Truh ară anei, kluôm ala tlŏ leh vaccine gang mkhư̆ Covid 19 kơ êbeh 14 êklăk 400 êbâo čô./.

H Nêč pô mblang