VOV4.Êđê - Hrue anei lehanăn hrue mgi (6-7/8) mkŏ mjing gưl tal 2 klei bi lông jih gưl 3 thŭn 2021. Anei jing đơ ênoh phung hđeh ka bi lông, amâodah ka bi leh bruă bi lông hlăm gưl bi lông tal 1 kyua hmăi amâo mâo jăk kơ klei ruă tưp covid 19. Hrue anei (6/8), phung hđeh ngă klei bi lông klei hriăm ngữ văn hlăm aguah, lehanăn bi lông toán hlăm tlam. Mgi (7/8) aguah, phung hđeh bi lông Khoa học tự nhiên, lehanăn tổ hợp khoa học xã hội, tlam phung hđeh bi lông klei tue. Gưl dua klei bi lông jih gưl 3 mâo jih jang truh 13 Êpŭl gơ̆ng kiă kriê klei bi lông, hŏng 49 anôk bi lông, lehanăn 683 boh adŭ bi lông. Tui si klei ksiêm wĭt kluôm, truh kơ ară anei jih jang dŭm anôk bi lông, djăp mta bruă mdrơ̆ng hŏng klei ruă tưp Covid 19 mâo leh djăp alŭ wăl mprăp kjăp./.

Y Khem pô mblang