VOV4.Êđê- Leh K’iăng nai prŏng, nai prĭn Nguyễn Trường Sơn, k’iăng khua phŭn bruă mdrao mgŭn iêu mthưr jih jang phung nai aê mdrao bi sa ai nao bi đru mdrơ̆ng hŏng klei ruă tưp ti ƀuôn prŏng Hồ Chí Minh, truh kơ 6h tlam hrue 26/7, mâo leh êbeh 2.100 čô mnuih ngă hră akâo nao đru. Hlăm êbeh 2.100 čô čŏng nao đru anei dôk ti ƀuôn prŏng Hồ Chí Minh mâo giăm 1.900 čô, mơ̆ng dŭm čar mkăn êbeh 200 čô. Msĕ si, giăm 300 čô aê mdrao; 400 čô nai mdrao, giăm 200 čô nai êa drao, dŭm adôk jing mơ̆ng dŭm êpul bruă mkăn. Ară anei, knơ̆ng bruă mdrao mgŭn ƀuôn prŏng Hồ Chí Minh hlăk mâo hdră tiŏ nao 80 čô aê mdrao lehanăn 50 čô nai mdrao truh kơ sang êa drao dôk mdrao klei ruă covid 19, lehanăn dŭm boh sang êa drao jing jai, phung ba anăp adôk srăng dưi tiŏ nao truh kơ dŭm boh sang êa drao dôk mdrao mgŭn hlăm ƀuôn prŏng./.

Pô mblang: Y-Khem Niê