VOV4.Êđê- Thŭn hriăm mrâo 2021-2022 giăm truh. Khă snăn, mkă hŏng hnơ̆ng kčah nai mtô/adŭ hriăm, snăn knơ̆ng bruă sang hră m’ar mtô bi hriăm čar Gai Lai dôk kƀah 3.721 čô nai mtô dŭm gưl. Klă klơ̆ng, hluê si klei ksiêm yap mơ̆ng knơ̆ng bruă sang hră m’ar mtô bi hriăm čar Gai Lai, mkă hŏng ênoh kčah, thŭn hriăm 2021 – 2022 anei, alŭ wăl anei dôk kƀah 1.637 čô nai mtô gưl hđeh điêt, 986 čô nao mtô gưl sa, 726 čô nai mtô gưl 2 lehanăn 372 čô nai mtô gưl tlâo.

Boh nik, mơ̆ng thŭn hriăm 2021 – 2022, hluê ngă hdră mtô bi hriăm mrâo, gưl hđeh điêt lehanăn gưl sa hriăm jih sa hruê kyua anăn bruă lŏ thiăm mbŏ phung nai kñăm rơ̆ng kjăp hdră mtô bi hriăm jing bruă mjêč ară anei. Ti anăp klei anei, anôk bruă sang čư̆ êa čar Gia Lai mâo leh hră ba m’ĭt kơ dŭm knơ̆ng, dhar bruă djŏ tuôm brei čar mkŏ mjing hdră hrŏng ruah nai mtô kñăm mđĭ ênoh nai mtô ti dŭm sang hră, rơ̆ng hnơ̆ng tŭ hdră mtô lehanăn bi hriăm, mbĭt anăn brei mdei hdră bi hrŏ mnuih mă bruă hŏng anôk sang hră m’ar mtô bi hriăm./.

Pô mblang: H’Nêč Êñuôl