VOV.Êđê-  Kyua hmăi mơ̆ng klei ruă tưp Covid-19, bruă mnia mblei mnơ̆ng dhơ̆ng hŏng ala tač êngao hlăm mlan 7 ka jăk mâo klei mlih ôh. Ênoh mnia mblei mnơ̆ng dhơ̆ng hlăm mlan 7 mâo hlăm brô 55,7 êklai USD, knŏng đĭ mă 1,5% mkă hŏng mlan êlâo anăn. Khădah, tĭng jih 7 mlan hlăm thŭn 2021, ênoh prăk mnia mblei mnơ̆ng dhơ̆ng ăt dôk ti hnơ̆ng lu (đĭ 30,2% mkă hŏng wưng anei thŭn dih). Sa hlăm dŭm hdră êlan dưi mñă klă mơ̆ng phŭn bruă tuh tia hlăk knhal jih thŭn dih jing mtrŭt mđĭ bruă ba čhĭ kơ ala tač êngao, bi hrŏ bruă blei lu mơ̆ng tač êngao, ngă bruă mkra mjing, dưn yua dŭm klei găl mơ̆ng FTA čiăng tui duah hdră êlan pŏk phai anôk mnia mblei, ruh mgaih klei kpăk gun čiăng dưi mŭt hlăm anôk mnia mblei mrâo. Bi kjăp lehanăn pŏk phai anôk mkra mjing, dưi yua jih hnơ̆ng dŭm klei găl mơ̆ng dŭm klei kuôl kă bruă mnia mblei êngiê FTA, mâo lu mnơ̆ng dhơ̆ng hlăm anôk mnia mblei.

Pô mblang: Y- Ƀel Êban