VOV4.Êđê - Phŭn bruă mdrao mgŭn mrâo mkŏ mjing Knăm mĭt tĭng mđing truh kơ hruê lu ala čar gang mkhư̆ klei ruă tưp. Hlăm klei bi kƀĭn, Phŭn bruă mdrao mgŭn hâo hưn: Truh ară anei, kluôm ala tlŏ leh giăm 150 êklăi aruăt vaccin hlăm ênoh jih jang êbeh 166 êklăk aruăt dưi mbha. Ênoh tlŏ ƀiă edei 1 aruăt vaccin mâo 79% leh anăn ênoh tlŏ ênŭm aruăt klă klơ̆ng jing 66% ênoh mnuih ƀuôn sang. Ênoh anei êgao leh hnơ̆ng hdră kñăm mơ̆ng Êpul bruă mdrao mgŭn dlông rŏng lăn kčah truh jih thŭn anei, 40% ênoh mnuih ƀuôn sang grăp ala čar dưi tlŏ vaccin gang mkhư̆ Covid-19. Phŭn bruă mdrao mgŭn mtă kơ dŭm alŭ wăl kriê dlăng tliêr kjăp êpul huĭ tưp ti alŭ wăl; hlue ngă bruă tlŏ vaccin Covid-19 ti sang, rơ̆ng amâo lui hlei pô ênưih tưp klei ruă, mkŏ mjing kriê dlăng leh anăn mdrao F0 hlăm êpul huĭ truh kjham mơ̆ng leh mphŭn mâo.

H’Zawut pô mblang