VOV4.Êđê - Ti anăp klei dleh dưi ksiêm dlăng mơ̆ng klei ruă tưp Covid-19 ti čar Dak Lak, êjai mâo lu mnuih ruă hlăm sa hruê, knơ̆ng bruă mdrao mgŭn čar Dak Lak ba mdah leh hdră êlan kơ bruă mkŏ mjing anôk drông jum, mdrao mnuih mâo klei ruă tưp Covid-19. Êngao kơ bruă mđĭ anôk bruă hiu mdrao mgŭn, sang êa drao jing êjai, klei mdê hlăm hdră anei jing čar Dak Lak srăng ngă bruă ksiêm dlăng leh anăn mdrao phung F0 ti sang, mlih djăp mta bruă mơ̆ng dŭm anôk bruă mdrao mgŭn jing anôk drông jum, mdrao klei ruă tưp Covid-19.

Hluê anăn, srăng ngă klei mdrao ti sang hŏng phung mnuih ruă amâo mâo klei bi knăl leh anăn mâo ênŭm hnơ̆ng čuăn mơ̆ng phŭn bruă mdrao mgŭn kơ klei mdrao ti sang, mâo phung ngă bruă mdrao mgŭn, bruă sang čư êa alŭ wăl ksiêm dlăng mâo djăp hnơ̆ng čuăn. Hruê mbruê, čar Dak Lak mâo 102 čô mâo klei ruă tưp Covid-19, hlăm anăn mâo 44 čô mnuih ruă hlăm êpul êya yang ƀuôn, mđĭ ênoh mnuih ruă hlăm čar jing 4.396 čô.

Y Ƀel pô mblang