VOV4.Êđê - Hlăm klei kƀĭn bruă klei mrâo hâo hưn kơ bruă gang mkhư̆ klei ruă tưp Covid-19 hlăm alŭ wăl ƀuôn prŏng Hồ Chí Minh tlam mbruê brei ƀuh, ênoh mnuih djiê kyua klei ruă tưp Covid-19 dôk hrŏ grăp hrue, khădah ênoh mnuih mâo klei ruă tưp mrâo ăt dôk lu. Klă klơ̆ng hlăm hruê 15/9, ƀuôn prŏng Hồ Chí Minh mâo 160 čô mnuih djiê, ƀiă hĭn hlăm wang sa mlan lehanăn kran hŏng wưng akŏ mlan 8, mâo êbeh 2.500 čô mnuih ruă dưi mdrao hlao, mđĭ ênoh mnuih dưi mdrao hlao mơ̆ng mlan 1 thŭn 2021 truh kơ ară anei jing 161.000 čô, ară anei dôk mdrao kơ 41.000 čô mnui ruă. Khădah klei năng mđing hĭn jing ênoh mnuih mâo klei ruă tưp Covid-19 ăt dôk lu. Hlăk mblang kơ klei anei, k’iăng khua kiă kriê knơ̆ng bruă mdrao mgŭn ƀuôn prŏng Hồ Chí Minh Nguyễn Hoài Nam brei thâo: ƀuôn prŏng dôk yua dŭm hdră êlan ksiêm mkă kman hmar lehanăn kluôm, ngă lu klei ksiêm mkă kman ti anôk hrah, anôk kñĭ khua, mâo anôk mơ̆ng 7-8 blư̆. Ênoh mnuih ruă ƀuh klei hrŏ, dôk mâo mơ̆ng 4000 - 6000 čô.

Y- Ƀel pô mblang