VOV4.Êđê - Êpul khua bi ala bruă kƀĭn Việt Nam mâo k’iăng khua kƀĭn ala Trần Thanh Mẫn ngă khua êpul, nao ti anôk pŏk klei bi kƀĭn tal 207 mơ̆ng Êpul hgŭm kiă kriê bruă kƀĭn ala dlông rŏng lăn IPU hŏng hdră trực tuyến. klei bi kƀĭn tal 207 mơ̆ng Êpul hgŭm kiă kriê bruă kƀĭn ala dlông rŏng lăn IPU mâo mkŏ mjing hlăm dua hrue hŏng trực tuyến, mơ̆ng hrue 24; 25/5 čiăng trông čhai lehanăn mâo klei bi klă kơ dŭm bruă djŏ tuôm kơ bruă mkŏ mjing klei bi kƀĭn bruă kƀĭn ala prŏng hĭn tar rŏng lăn anei.

Khua IPU jing Duarte Pacheco kiă kriê klei bi kƀĭn, klei phung khua êmua bruă kƀĭn ala mơ̆ng 135 êpul bi ala dŭm ala čar. Klei bi kƀĭn mđing trông čhai kơ bruă kluôm jing “Dưi găn klei ruă tưp prŏng ară anei, lehanăn rŭ mjing kơ sa klei hdĭp jăk siam mgi dih: Bruă klam mơ̆ng jih jang phung ngă bruă kƀĭn ala”./.

Y Khem pô mblang