VOV4.Êđê- Êpul grup êa pui êa săng Việt Nam (Petrolimex) brei thâo, mơ̆ng hruê 14-8 truh hruê 18-8, Petrolimex đru leh êbeh 3 êklai 5 êtuh êklăk, blei kdrăp mnơ̆ng mdrao mgŭn leh anăn 125 ton braih kơ sang êa drao leh anăn dŭm gŏ sang dôk tuôm hŏng klei dleh dlan ti alŭ wăl lu čar nah Dhŭng. Klă klơ̆ng: đru 2 êklai prăk bi liê mkŏ dăp kdrăp mkăp oxy  kơ sang Sang êa drao krĭng hlơr ƀuôn prŏng Hồ Chí Minh, Sang êa drao krŭ wĭt klei suaih pral mdrao klei ruă Covid-19 ƀuôn prŏng Hồ Chí Minh leh anăn 25 ton braih, đru čar Long An leh anăn čar Bình Dương grăp čar 25 ton braih; mbĭt anăn, đru mguôp hlăm Keh gang mkhư̆ klei ruă Covid-19 mơ̆ng čar Đồng Tháp 250 êklăk prăk leh anăn čar Thưà Thiên Huế 300 êklăk prăk. Êlâo anăn, Petrolimex đru mguôp leh 250 êklăk prăk hlăm Keh vaccin gang mkhư̆ klei ruă Covid-19.

Pô mblang: H’Zawut Ƀuôn Yă