VOV4.Êđê - Tlam mbrue (5/8), Êpul ksiêm dlăng mrô 143 mơ̆ng Dhar bruă kiă kriê bruă Đảng mâo Nguyễn Trọng Nghiã, Khua knơ̆ng kiă kriê bruă hâo hưn gưl dlông nga khua êpul mâo leh mmông ngă bruă hŏng Êpul khua kiă kriê bruă Đảng kahan ksiêm Gưl dlông. Boh phŭn klei ksiêm dlăng jing mđing kơ dua mta bruă prŏng hlăm klei mkŏ mjing Đảng, anăn jing hdra mtrŭn mơ̆ng Gưl dlông 4 (Gưl 12), lehanăn klei čoh čuăn mrô 08 kơ bruă klam klei bi hmô jăk.

Kyuanăn, năng mđĭ hĭng klei thâo uêñ klam, ai ktang klei bi blah, klei čŏng ksiêm wĭt, čiăng kơ grăp êpul bruă Đảng mâo êpul bruă nao čuă, dưi ngă bruă hlăm klei bi mlih ksiêm dlăng mơ̆ng nah dlông hlŏng kơ nah gŭ hlăm grăp êpul bruă Đảng, boh nik pô djă akŏ, lehanăn êpul khua kiă kriê gưl bruă Đảng. Khua knơ̆ng kiă kriê bruă hâo hưn gưl dlông Nguyễn Trọng Nghiã đăo knang, hŏng jih ai tiê mâo klei đua klam prŏng, Bruă Đảng kahan ksiêm Gưl dlông, lehanăn Êpul ksiêm dlăng srăng ngă bruă hŏng klei kjăp, djŏ hŏng mta mtrŭn mơ̆ng Đảng./.

Y Khem pô mblang