VOV4.Êđê - Kñăm đru kơ mnuih ƀuôn sang hlăm wưng bi ktlah hjăn ala ƀuôn gang mkhư̆ klei ruă Covid-19, Anôk bruă lĭng kahan čar Dak Nông mkŏ mjing leh dŭm knưng mnơ̆ng amâo mă prăk ti dŭm anôk bi ktlah hjăn đru mnuih ƀuôn sang găn klei dleh dlan. Mâo leh êbeh 500 gŏ êsei mnuih ƀuôn sang hlăm wăl kwang dar, bi ktlah hjăn mâo knưng mnơ̆ng amâo mă prăk đru mnơ̆ng dhơ̆ng pioh yua hŏng ênoh prăk êbeh 350 êklăk prăk.

Ti anăp klei ruă Covid-19 lŏ dơ̆ng dleh ktuê dlăng, Anôk bruă lĭng kahan čar Dak Nông iêu mthưr phung mâo ai tiê kmah lŏ dơ̆ng hrăm mbĭt hŏng knưng mnơ̆ng amâo mă prăk hluê klei blŭ hlei pô čiăng nao mă, hlei pô mâo lu nao đru čiăng đru kơ mnuih ƀuôn sang hrăm mbĭt mdrơ̆ng hŏng klei ruă tưp.

H Zawut pô mblang