VOV4.Êđê - Tlam hruê 29-8, êpul aê mdrao mơ̆ng čar Gia Lai nao đru mdrơ̆ng hŏng klei ruă Covid-19 ti ƀuôn prŏng Hồ Chí Minh. Êpul mă bruă mâo 4 čô aê mdrao leh anăn 17 čô đru mdrao mgŭn čar Gia Lai hlăm dŭm anôk bruă: Sang êa drao prŏng čar, Sang êa drao mdrao hđeh, Sang êa drao mdrao hluê ênhiang djuê ana leh anăn krŭ wĭt klei suaih pral čar leh anăn Anôk bruă mdrao mgŭn dŭm kdriêk, wăl krah, ƀuôn prŏng.

Êpul srăng nao ti Sang êa drao jing jai mdrao klei ruă Covid-19 kdriêk čar Tân Phú (ƀuôn prŏng Hồ Chí Minh) ngă bruă đru dŏng leh anăn mdrao kơ mnuih ruă Covid-19 ti kdriêk čar. Grăp čô hlăm êpul mă bruă mâo čar đru hnư mnơ̆ng 10 êklăk prăk leh anăn kdrăp mnơ̆ng, čhŭm ao mgang, kdrăp gang mkhư̆ klei ruă tưp. Êlâo kơ nao ngă bruă, êpul knuă druh mdrao mgŭn čar Gia Lai dưi hriăm mjuăt kơ bruă hlăm klei ksiêm mkă leh anăn hdră mdrao mgŭn, kriê dlăng mnuih ruă Covdi-19.  Hdră mă mta ksiêm mkă, kriê dlăng, dŭ mdiăng mta ksiêm mkă kman SARS-CoV-2.

H Zawut pô mblang