VOV4.Êđê- Sa ai hlăm klei mtrŭt mjhar kơ klei đru hlăm bruă gang mkhư̆ klei ruă tưp mơ̆ng dhar bruă mặt trận čar kwar Việt Nam, tlam hruê 27/5 Êpul mkŏ mjing gưl dlông ngă leh knăm đru mguôp hlăm keh prăk gang mkhư̆ klei ruă tưp Covid-19. Hŏng ai tiê mâo bruă klam, klei gĭr dưi bi hrŏ lehanăn mâo klei dưi hŏng klei ruă tưp Covid-19, khua Êpul mkŏ mjing gưl dlông Trương Thị Mai lehanăn dŭm čô knuă druh, mnuih mă bruă knŭk kna, dŭm čô mnuih mă bruă hlăm anôk bruă mkŏ mjing gưl dlông đru leh sa čô ƀiă êdi sa hruê ai mă bruă. Blŭ hlăm knăm anăn, k’iăng khua êpul mkŏ mjing gưl dlông Nguyên Thanh Bình mtă kơ dŭm čô knuă druh, mnuih bă bruă knuăk kna, mnuih mă bruă hlăm anôk bruă mkŏ mjing gưl dlông ngă bi jăk dŭm klei bhiăn hlăm bruă gang mkhư̆ klei ruă tưp Covid-19, mâo klei gĭr bi leh bruă klam pô.

Pô mblang: Y-Khem Niê