VOV4.Êđê - Tlam mbruê 5/7, êpul ngă bruă mơ̆ng phŭn bruă mdrao mgŭn mơ̆ng k’iăng khua phŭn bruă Đỗ Xuân Tuyên ba anăp, mâo leh klei nao ksiêm dlăng bruă gang mkhư̆ klei ruă tưp Covid-19 ti čar Phú Yên. Êpul ngă bruă ksiêm dlăng leh bruă gang mkhư̆ klei ruă tưp ti anôk bi ktlah mbĭt ti ƀuôn hgŭm Phú Đông, ƀuôn prŏng Tùy Hòa, ksiêm dlăng bruă tŭ jum mdrao mgŭn mnuih ruă ti sang êa drao êjai wăl krah Đông Hòa, ksiêm dlăng bruă čuăl krĭng, bi ktlah ti ƀuôn hgŭm mrô 1, ƀuôn prŏng Tùy Hòa. Hlăm klei ksiêm dlăng anăn, k’iăng khua phŭn bruă Đỗ Xuân Tuyên čih yap ti čar Phú yên ngă ênŭm leh dŭm hdră bhiăn kơ bruă gang mkhư̆ klei ruă tưp Covid-19, k’iăng khua phŭn bruă Đỗ Xuân Tuyên lŏ mtă, čar Phú Yên lehanăn dŭm anôk bruă hlăm čar amâo dưi ngă ngơi mang, luič klei răng ti anăp klei ruă tưp ară anei, mâo klei čŏng nao ngă bruă gang mkhư̆ klei ruă tưp hŏng hdră êlan 4 sa anôk.

Y Ƀel pô mblang