VOV4.Êđê- Hồ Văn Niên- Khua dlăng bruă Đảng čar Gia Lai mrâo mtă kơ anôk bruă kahan ksiêm alŭ wăl kčŭt hưn kơ klei bi lar klei ruă tưp huĭ hyưt kơ phung mkăn hŏng pô ruă Covid-19 mâo mrô 95028 dưi ƀuh hlăm hruê 24-7, jing knuă druh măt trận ƀuôn hgŭm Tây Sơn, ƀuôn prŏng Plei Ku. Khă gơ̆ jing F1 mơ̆ng mnuih ruă 36712, ƀiădah pô anei hưn pô jing F2. Pô anei ăt nao ti Knơ̆ng bruă sang čư̆ êa ƀuôn hgŭm mă bruă, nao ti lu anôk bruă mnia blei čiăng mtă kơ dŭm gŏ sang ƀuăn rơ̆ng gang mkhư̆ klei ruă Covid-19. Kyua hưn amâo sĭt, pô anei ngă kơ 3 čô mnuih hlăm gŏ sang djŏ Covid-19. Mơ̆ng bruă hiu duah, Anôk bruă ksiêm dlăng klei ruă tưp Gia Lai bi mklă mâo 51 čô jing F1 leh anăn 82 čô jing F2 mơ̆ng pô anei.

 Pô mblang: H’Zawut Ƀuôn Yă