VOV4.Êđê - Tlam mbruê 4/8, êpul gĭt gai bruă gang mkhư̆ klei ruă tưp Covid-19 čar Gia Lai hưn mthâo, čar Gia Lai mrâo lŏ mâo 3 čô mâo klei ruă tưp Covid-19. Hlăm anăn, mâo sa čô êkei pŭ suai mnơ̆ng dhơ̆ng hlăm êdeh prŏng dưi hmao ƀuh mâo klei ruă tưp Covid-19 êjai čŏng nao ksiêm mkă kman. Pô ruă anei jing sa čô êkei, k’kiêng thŭn 2001, dôk ti čar Bình Định, jing sa čô hiu pŭ suai mnơ̆ng hŏng êdeh prŏng, dŭ mdiăng mnơ̆ng dhơ̆ng mơ̆ng ƀuôn prŏng Hồ Chí Minh - Đồng Nai, ba mnơ̆ng ti čar Kon Tum. Ară anei, pô ruă anei dưi ba truh ti sang êa drao mdrao kơ mnuih mâo klei ruă tưp Covid-19 čiăng ngă klei bi ktlah, ksiêm dlăng. Ăt hlăm hruê mbruê, čar Gia Lai mâo 2 čô mkăn mâo klei ruă tưp Covid-19 jing dŭm čô mrâo wĭt mơ̆ng dŭm čar bi ktlah, čuăl krĭng. Snăn, hruê mbruê (4/8). Ti čar Gia Lai mâo 14 čô mnuih ruă. Ênoh mnuih mâo klei ruă tưp Covid-19 ti čar Gia Lai mơ̆ng hruê 26/4 truh kơ ară anei jing 124 čô mnuih.

Y Bel pô mblang