VOV4.Êđê- Aguah 31-8, êpul mă bruă mơ̆ng čar Gia Lai ba leh 22 čô mniê leh anăn 1 čô hđeh dôk jưh ti Bình Dương wĭt kơ ƀuôn sang. Jih jang phung anei dưi ba ti wăl bi ktlah hjăn E991, čar Gia Lai. Phung anei srăng dưi bi ktlah hjăn leh anăn ksiêm mkă lu blư̆. Lu phung mniê ba tian wĭt tal anei ba tian êbeh 6 mlan, mâo klei hdĭp leh dlan, boh nik mâo mnuih ba tian 9 mlan. Čiăng ba phung ƀuôn sang anei wĭt, Gia Lai tiŏ nao 1 čô aê mdrao leh anăn 2 čô kăp đru hŏng êpul čiăng msir mgaih tơdah mâo boh klei mjêč.

Êlâo anăn, Knơ̆ng bruă  mnuih mă bruă - kahan êka keh - ala ƀuôn Gia Lai leh anăn nah Bình dương bi hgŭm, đru ksiêm mka,w dăp mnuih ƀuôn sang Gia Lai nao ti anôk bi kƀĭn đĭ êdeh wĭt ti sang. Tal elâo mĭn tĭng mâo 25 čô mniê ba tian leh anăn 4 čô hđeh dưi ba wĭt, ƀiădah kyua klei suaih pral, knŏng 24 čô djăp klei dưi. Jih jang 22 čô mniê ba tian leh anăn 2 čô hđeh wĭt ti čar suaih pral, wĭt mâo klei  găl ênưih, êđăp ênang.

Pô mblang: H’Zawut Ƀuôn Yă