VOV4.Êđê - Tlam hruê 18-06, Knơ̆ng bruă sang čư̆ êa čar Gia Lai mâo hră mơar mrô 812/ Knơ̆ng bruă sang čư̆ êa kơ bruă hluê ngă dŭm hdră gang mkhư̆ klei ruă Covid-19 hlăm boh klei meâo. Hluê anăn, krah mlan hruê 19-6-2020, dŭm hdră ngă bruă kluôm čar lŏ dưi wĭt ngă bruă. Hluê si hră mơar ktrâo lač, Gia Lai lŏ dơ̆ng mdei dŭm sang ƀar, sang karaoke, anôk massage êla mâo klei hưn mthâo mrâo. Mơ̆ng krah mlan hruê 19-6-2021, dưi brei lŏ ngă bruă dŭm hdră bruă msĕ si: Dŭm anôk hlăp online, game online, sang internet, ênao luê êa, anôk bi msiam ƀô̆ mta, spa, sang mdah fim, anôk mjuăt asei mlei, gum, yoga, dŭm anôk hlăp bida, ƀiădah brei ƀuăn rơ̆ng hluê ngă 5 klei mtă mơ̆ng Phŭn bruă mdrao mgŭn mbĭt anăn knŏng brei lŏ ngă bruă hŏng 50% hnơ̆ng leh anăn amâo êbeh ôh 30 čô ti 1 anôk. Čar Gia Lai ăt lŏ dơ̆ng mđĭ lar 4 anôk ktuê dlăng gang mkhư̆ klei ruă ti 4 anôk ti êlan dơ̆ng prŏng mŭt hlăm čar.

H Zawut pô mblang