VOV4.Êđê -  Adŭ bruă kahan ksiêm bruă duh mkra (kahan ksiêm čar Gia Lai) mrâo bi mguôp leh hŏng dŭm êpul êya ti kriêk Kbang, čar Gia Lai hmao ƀih 1 knơ̆ng bruă mâo dŭm pluh m³ kyâo amâo thâo bĭt phŭn gha. Năng lač kơ nei jing, pô knơ̆ng bruă anei amâo mâo ôh klei bi mguôp, kyua anăn yơh luič lu hruê mmông êpul kahan ksiêm dưi nao ksiêm dlăng hjiê dưm kyâo anăn. Aguah 15/7, pô sang hjiê pŏk ƀăng, êpul kahan ksiêm nao ngă leh bruă ksiêm dlăng.

Tal êlâo hmao ƀuh 18 m³ kyâo mâo lu mta. Leh êgao 24 mmông msĕ hŏng hdră bhiăn. Pô knơ̆ng bruă anei mâo dưi bi klă ôh phŭn agha lehanăn hră mơar kơ kyâo anei. Mâo sa klei năng mđing jing, êjai êpul kahan ksiêm dôk yap kyâo anei, mâo 7 čô êkei nao truh lehanăn lač kyâo anei jing mơ̆ng knơ̆ng bruă Mai Hồng. Ară anei êpul kahan ksiêm čar Gia Lai lehanăn kdriêk Kbang ăt dôk bi klă bruă anei. Dŭm bĕ kyâo hlăm klei anei dưi mă ba wĭt leh ti anôk bruă ksiêm dlăng dliê kdriêk Kbang dôk guôn mgaih msir.

H Zawut pô mblang