VOV4.Êđê - Mơ̆ng hruê 27/5 truh kơ ară anei, ti Gia Lai mâo 4 anôk mâo klei ruă bŏk klĭt ti êmô, kbao hŏng giăm 70 drei ti 3 kdriêk Mang Yang, Čư̆ Sê, Đăk Đoa lehanăn huĭ srăng tưp lar ti lu anôk. Ară anei, jih êpul mnơ̆ng rông ti Gia Lai mâo êbeh 534 êbâo drei, dôk tal 2 mơ̆ng kluôm ala, lu jing rông hliêt hluôt hlăm gŏ sang, ti krĭng mnuih djuê ƀiă.

Bruă gang mkhư̆ gang mkhư̆ klei ruă tưp, rơ̆ng klei êđăp ênang kơ êpul mnơ̆ng rông mâo boh tŭ yuôm bhăn hlăm bruă mđĭ kyar bruă duh mkra mnuih ƀuôn sang. Kyua anăn, anôk bruă sang čư̆ êa čar Gia Lai mâo leh hră mrtrŭn mjêč kơ bruă pŏk hdră gang mkhư̆ klei ruă bŏk klĭt ti kbao, êmô hlăm alŭ wăl. Hluê anăn, anôk bruă sang čư̆ êa čar Gia Lai mtă kơ dŭm alŭ wăl lehanăn anôk bruă djŏ tuôm hluê ngă kjăp hdră gang mkhư̆ klei ruă anei tưp lar, blei vaccine tlŏ kơ êpul mnơ̆ng rông, hluê ngă hdră đru lehanăn ba čuh dơr mnơ̆ng rông ruă, ksiêm dlăng kjăp klei ruă mâo ti mnơ̆ng rông mprăp kơ hdră mdrơ̆ng./.

H Nêč pô mblang