VOV4.Êđê- Anôk gĭt gai hdră gang mkhư̆ klei ruă Covid 10 čar Gia Lai hưn, hlăm hruê 27/7, Gia Lai lŏ mâo 5 čô djŏ kman Sar CoV2. Hlăm anăn mâo 4 čô ruă wĭt mơ̆ng krĭng mâo klei ruă tưp, dưi ba bi ktlah mklin sa anôk lehanăn hluê ngă hdră ksiêm dlăng kman, boh tŭ djŏ kman Sar CoV2. Mâo 1 čô mniê ba tian lehanăn dơ̆ng kkiêng. Mnuih ruă adôk jing anak pô ruă mrô 44302 ăt djŏ kman SARS-CoV-2 ti anôk bi ktlah.

Djŏ tuôm kơ anôk bluh mâo klei ruă ti ƀuôn prŏng Pleiku, truh hruê 27/7, êpul mdrao mgŭn mkă dlăng leh kman kơ êbeh 700 čô, mâo phung F1, F2 mơ̆ng pô ruă mrô 95028, boh tŭ amâo ƀuh ôh kman. 192 čô mâo Anôk gĭt gai hdră gang mkhư̆ klei ruă Covid 10 čar Gia Lai drông mơ̆ng tač êdeh phiơr prŏng Tân Sơn Nhất wĭt kơ ƀuôn prŏng Pleiku hlăm gưl phiơr mrô QH9812 mâo boh tŭ amâo ƀuh kman leh hruê tal 3 ksiêm dlăng. Snăn, tĭng mơ̆ng hruê 26/4 truh kơ hruê 27/7, čar Gia Lai mâo 36 čô djŏ kman Sar CoV2, hlăm anăn mâo 5 čô kbiă mơ̆ng sang êa drao, 31 čô hlăk dôk dŏng mdrao ti Sang êa drao prŏng čar./.

                                                    Pô mblang: H’Nêč Êñuôl