VOV4.Êđê - Aguah 3-8, čar Gia Lai yap mâo 39 čô mnuih ruă Covid-19. Snăn, ênoh mnuih ruă Covid -19 ti čar mâo 111 čô. Hŏng bruă bi ktlah hkăn phung wĭt mơ̆ng krĭng mâo klei ruă tưp, Anôk bruă gĭt gai gang mkhư̆ klei ruă Covid-19 hưn, ti čar ară anei mâo êbeh 4.200 čô mnuih dôk bi ktlah hjăn ti sang leh anăn êbeh 6.

600 čô mkăn dôk bi ktlah hjăn sa anôk. Ti anăp mâo lu mnuih ruă, lu jing phung wĭt mơ̆ng krĭng mâo klei ruă tưp, čar Gia Lai mâo hdră mprăp krih êa drao jih jang wăl anôk ktuê dlăng klei ruă tưp ti êlan dơ̆ng prŏng mrô 14 (kban 110, să Ia Le, kdriêk Čư̆ Pưh), mă mta ksiêm mkă jih jang mnuih ƀuôn sang, phung mă bruă ti krĭng wăl anei, tlŏ mgang vaccin kơ phung riêng gah mâo anôk gak răng klei ruă tưp.

H Zawut pô mblang