VOV4.Êđê- Ti anăp klei dleh dưi ksiêm dlăng mơ̆ng klei ruă tưp Covid-19 hlăm čar lehanăn êngao čar, knơ̆ng bruă tuh tia čar Gia Lai mâo leh hdră êlan pioh mkăp mnơ̆ng dhơ̆ng lehanăn čih mnia boh kroh mơ̆ng bruă lŏ hma tui si klei jing klei ruă tưp. Tui hluê anăn, knơ̆ng bruă tuh tia čar Gia Lai mkŏ mjing leh hdră êlan mkăp pioh mmơ̆ng dhơ̆ng hŏng ênoh giăm 900 êklai prăk. Mtă kơ 65 knơ̆ng bruă hlăm alŭ wăl mđĭ hnơ̆ng pioh mkăp mnơ̆ng dhơ̆ng hlăm sang hjiê đi 1,5 blư̆ mkă hŏng êlâo dih.

Mbĭt hŏng anăn, čiăng rơ̆ng kơ bruă mnia mblei mnơ̆ng dhơ̆ng bruă lŏ hma kơ mnuih ƀuôn sang hlăm alŭ wăl kơ sang mkra mjing ăt mâo klei mđing mĭn. Knơ̆ng bruă tuh tia dŭm alŭ wăl ăt mâo leh dŭm hdră êlan dŭ mdiăng gang mkhư̆ klei ruă tưp truh kơ dŭm sang mkra mjing, kăm ghă klei amâo brei čhĭ mnia dŭm boh mnga mơ̆ng bruă lŏ hma, mtă kơ dŭm knơ̆ng bruă rơ̆ng ngă bruă mkra mjing, mkŏ mjing kơ mnuih mă bruă mkra mjing lehanăn huă ƀơ̆ng mdei msăn ti anôk mă bruă, ngă bruă nao hrui blei mnơ̆ng dhơ̆ng kơ mnuih ƀuôn sang.

Pô mblang: Y-Ƀel Êban