VOV4.Êđê - Hruê mbruê 22/7, êpul gĭt gai bruă gang mkhư̆ klei ruă tưp Covid-19 čar Gia Lai mkŏ mjing leh sa klei kƀĭn mjêč čiăng mkŏ mjing dŭm hdră mjêč hlăm bruă gang mkhư̆ klei ruă tưp Covid-19 leh alŭ wăl anei mâo na nao mnuih mâo klei ruă tưp Covid-19. Hưn mdah hlăm klei kƀĭn, yap mơ̆ng hruê 26/4 truh kơ 22/7, čar Gia Lai mâo 21 čô mâo klei ruă tưp Covid-19, hlăm anăn dưi mdrao hlao leh kơ 5 čô.

Ti anăp klei dleh dưi ksiêm dlăng mơ̆ng klei ruă tưp. êpul gĭt gai bruă gang mkhư̆ klei ruă tưp Covid-19 čar Gia Lai mtă kơ dŭm anôk bruă ngă hmar bruă tui duah, ksiêm dlăng, bi mdŏ dŭm anôk mâo klei ruă tưp. Ngă bruă ksiêm mkă kman kơ dŭm čô mgăt êdeh lehanăn dŭm anôk mâo lu mnuih ti ƀuôn prŏng Pleiku, ngă bruă čuăl krĭng êjai ti wăl krah Kbang, ƀuôn Tà Kơ, (să Sơ Pai, kdriêk Kbang) lehanăn dŭm anôk djŏ tuôm mâo mnuih ruă, mă mta ksiêm mkă kman kơ dŭm čô jing F1, F2 ăt msĕ hŏng bruă krih êa drao mdjiê kman dŭm anôk mâo mnuih ruă.

Y Bel pô mblang