VOV4.Êđê- Aê mdrao Hồ Ngọc Gia - Khua Anôk bruă ktuê dlăng klei ruă čar Gia Lai brei thâo: Mơ̆ng akŏ thŭn truh ară anei, kluôm čar mâo 164 čô êngoh bi ƀlĕ êrah, hrŏ 63% mkă hŏng wưng anei thŭn dih. Ênoh mnuih ruă kƀĭn hlăm dŭm kdriêk: Krông Pa, Phú Thiện, ƀuôn prŏng Pleiku leh anăn wăl krah Ayun Pa. Khă gơ̆ ênoh mnuih ruă êngoh bi ƀlĕ êrah mkă hŏng wưng anei thŭn êlâom ƀiădah amâo kyua anăn ôh ngă ngơi mang hlăm hdră gang mkhư̆ klei ruă tưp. Anôk bruă ktuê dlăng klei ruă tưp čar mđing kơ bruă bi leh êpul thơ̆ng mdrao klei ruă êngoh bi ƀlĕ êrah čar, êpul thơ̆ng ngă bruă hlăm gưl kdriêk leh anăn knuă druh ti anôk mdrao mgŭn ngă hdră gang mkhư̆ klei ruă êngoh bi ƀlĕ êrah hlăm êpul êya. Mbĭt hŏng anăn, lŏ dơ̆ng ba nao jih bruă kđi čar ti anôk bruă nah gŭ hlăm bruă gang mkhư̆, mđĭ ktang klei hâo hưn mtô mblang, iêu jak mnuih ƀuôn sang hgŭm hlăm hdră mdjiê hluăt lŏk.

Pô mblang: H’Zawut Ƀuôn Yă