VOV4.Êđê - Hluê si ai tiê gĭt gai mơ̆ng Knŭk kna leh anăn Phŭn bruă mdrao mgŭn, Anôk bruă gĭt gai gang mkhư̆ klei ruă Covid-19 čar, bruă mdrao mgŭn čar Gia Lai hlăk mjêč mđĭ pral hnơ̆ng tlŏ vaccin gang mkhư̆ Covid-19 tal 3 rơ̆ng bi leh hdră kčah hruê 18-6. Gưl 3, čar Gia Lai mâo Phŭn bruă mdrao mgŭn mbha 27.880 hnơ̆ng vaccin mơ̆ng COVAX Facility đru čiăng tlŏ kơ phung mđing tal êlâo. Bruă tlŏ vaccin dưi pŏk ngă ti dŭm anôk tlŏ mgang ti Sang êa drao prŏng čar, Sang êa drao 331 leh anăn anôk bruă mdrao mgŭn dŭm kdriêk, wăl krah, ƀuôn prŏng. Knơ̆ng bruă mdrao mgŭn gĭt gai leh dŭm sang êa drao, dŭm anôk bruă mdrao mgŭn ti čar mjêč mđĭ ktang bruă tlŏ mgang vaccin Covid-19 tui di klei Knŭk kna leh anăn Phŭn bruă mdrao mgŭn gĭt gai.

H Zawut pô mblang