VOV4.Êđê - Klei bi lông thŭn anei kluôm čar Gia Lai mâo êbeh 14 êbâo čô bi lông hŏng 39 anôk bi lông klă sĭt, leh anăn 17 anôk bi lông mkăp ti 17 kdriêk, wăk krah, ƀuôn prŏng, hŏng 616 adŭ bi lông. Mĭn tĭng srăng mâo 1282 čô knuă druh bi lông, 20 čô knuă druh ksiêm dlăng leh anăn giăm 5 êtuh čô mnuih mă bruă mâo dŭm êpul msĕ si kahan ksiêm, mdrao mgŭn, răng kriê klei êđăp ênang. Nguyễn Văn Long,  K’iăng Khua Knơ̆ng bruă sang hră mtô bi hriăm čar Gia Lai brei thâo, Knơ̆ng bruă sang hră mtô bi hriăm mkŏ mjing leh hdră bi bi lông hriăm jih gưl 3 hŏng 4 gưl hnŏng čianưg mdrŏng hŏng klei rưa Covid-19. Mơ̆ng ară anei truh kơ mkŏ mjing klei bi lông, dŭm Êpul hgŭm bi lông hriăm jih gưl 3 ti čar Gia Lai mprăp hdră mdrơ̆ng hŏng djăp klei mâo čiăng kơ klei bi lông êđăp ênang, mâo klei tŭ dưn jăk hĭn hlăm boh klei ruă tưp Covid-19 dôk mâo dleh ktuê dlăng.

H Zawut pô mblang