VOV4.Êđê- Čiăng mprăp kơ klei bi lông hriăm jih gưl 3 ala čar, Knơ̆ng bruă sang hră mtô bi hriăm čar Gia Lai mkŏ mjing leh hdră hŏng 4 gưl hnơ̆ng čiăng mdrơ̆ng hŏng klei ruă Covid-19. Hluê si Knơ̆ng bruă sang hră mtô bi hriăm čar Gia Lai, klei bi lông hriăm jih gưl 3 ala čar thŭn anei, čar mâo êbeh 14 êbâo čô bi lông čih anăn, dưi mkŏ mjing ti 39 anôk bi lông. Ară anei mbĭt hŏng klei mkŏ mjing klei bi hriăm kơ hđeh sang hră, Gia Lai mđĭ ktang bruă hâo hưn, hmao mkăp klei hâo hưn kơ knuă druh, nai mtô, mnuih mă bruă leh anăn phung bi lông, phung amĭ ama kơ boh klei ruă tưo hŏng klei hưn răng mơ̆ng anôk bruă djŏ tuôm kơ klei gang mkhư̆ klei ruă tưp. Mkŏ mjing bi jăk 5 mta klei mtă êlâo, hlăm leh anăn leh bi lông… čiăng klei bi lông mkŏ mjing êđăp ênang, djŏ hnơ̆ng kčah hlăm akŏ mlan 7 kơ anăp. Knơ̆ng bruă sang hră mtô bi hriăm Gia Lai mtă kơ phung hđeh sang hră bao bi lông, knuă druh dlăng klei bi lông leh anăn phung mă bruă hlăm klei bi lông brei hưn klei suaih pral êlâo 7 hruê mkŏ mjing klei bi lông.

Pô mblang: H’Zawut Ƀuôn Yă