VOV4.Êđê -  Hruê 29/6, Êpul gơ̆ng bruă ƀuôn sang čar Gia Lai gưl XII wưng thŭn 2021 – 2026 ruah leh phung khua kmeh gơ̆ng dôk hlăm klei dưi mơ̆ng Êpul gơ̆ng bruă ƀuôn sang čar. Hluê anăn, phung bi ala Êpul gơ̆ng bruă ƀuôn sang čar gưl XII wưng thŭn 2021 – 2026 mplĕ leh hră ruah phung khua hlăm Êpul gơ̆ng bruă ƀuôn sang čar, mâo Khua kiă kriê Êpul gơ̆ng bruă ƀuôn sang čar, phung k’iăng khua kiă kriê Êpul gơ̆ng bruă ƀuôn sang čar, Khua lehanăn K’iăng khua dŭm anôk bruă mơ̆ng Êpul gơ̆ng bruă ƀuôn sang čar Gia Lai.

Boh tŭ, hŏng 70/71 pŏk hră đăo knang, Hồ Văn Niên – Khua hlăm Anôk kiă kriê bruă Đảng gưl dlông, Khua bruă Đảng čar, Khua bi ala Êpul bruă kƀĭn ala čar Gia Lai gưl XIV dưi djŏ ruah păn ngă Khua kiă kriê Êpul gơ̆ng bruă ƀuôn sang čar gưl XII wưng thŭn 2021-2026. Võ Ngọc Thành – K’iăng khua bruă Đảng čar, Khua anôk bruă sang čư̆ êa čar Gia Lai wưng thŭn 2026 – 2021 lŏ djŏ ruah Khua anôk bruă sang čư̆ êa čar Gia Lai wưng thŭn 2021-2026. Hlăm 4 čô K’iăng khua anôk bruă sang čư̆ êa čar Gia Lai wưng thŭn 2021-2026, mâo Đỗ Tiến Đông, Kpă Thuyên lehanăn aduôn Nguyễn Thị Thanh Lịch lŏ djŏ ruah. K’iăng khua kiă kriê anôk bruă sang čư̆ êa čar mrâo jing Hồ Phước Thành (jing Khua knơ̆ng bruă Hdră kčah lehanăn duh bi liê čar Gia Lai)./.

H Nêč pô mblang