VOV4.Êđê- Aguah hruê 9/6, dhar bruă mặt trận čar Gia Lai ngă leh klei tŭ mă klei đru kơ bruă gang mkhư̆ klei ruă tưp Covid-19 mơ̆ng dŭm êpul êya, knơ̆ng bruă. Hlăm klei tŭ mă anăn, mâo 4 anôk bruă, knơ̆ng bruă jing: knơ̆ng bruă êa pui dưr krĭng Lăn Dap Kngư đru hŏng ênoh prăk 600 êklăk prăk, knơ̆ng ngă prăk Sacombank đru 50 êklăk prăk, knơ̆ng bruă pui klă êran hŏng ai êa Sê San đru 30 êklăk prăk lehanăn knơ̆ng bruă Khánh Hiền đru 20 êklăk prăk. Dhar bruă mặt trận čar Gia Lai čih yap yuôm bhăn dŭm klei sa ai mơ̆ng dŭm knơ̆ng bruă, mâo klei hmao đru mơ̆ng dŭm knơ̆ng bruă êpul êya bruă gang mkhư̆ klei ruă tưp Covid-19. Mbĭt anăn ăt hmăng hmưi dŭm knơ̆ng bruă, mnuih mâo ai tiê kmah srăng lŏ bi lar bruă klam pô lehanăn hrăm mbĭt gang mkhư̆ klei ruă tưp Covid-19.

Pô mblang: Y-Ƀel Êban