VOV4.Êđê- Aguah mbruê (8/7), bruă mkă dlăng kman phung F1 djŏ tuôm hŏng dua čô mnuih ruă covid 19 mrâo ƀuh hlăk mlam hrue 7/7. Anôk bruă kiă kriê klei ruă CDC čar Gialai lŏ hmao ƀuh sa čô mnuih mâo kman Sar CoV 2. Anăn jing sa čô êkei hlăk ai kkiêng thŭn 2006, dôk ti ƀuôn Kte, să Hbông, kdriêk Čư̆ Sê, čar Gialai. Pô anei jing adei êkei mnuih ruă covid 19 hmao ƀuh hlăk hrue 7/7.

Leh hmao ƀuh truh kơ 3 čô mnuih mâo kman sar coV 2, čar Gialai ngă mtam klei čuăl krĭng jih ƀuôn Kte, mă 261 mta ba mkă dlăng kman hlăm yang ƀuôn. Mbĭt hŏng anăn, Dhar bruă kiă kriê klei gang mkhư̆ klei ruă tưp covid 19 mơ̆ng čar mâo leh hră mtrŭn kơ kahan ksiêm čar tiŏ nao êpul kahan mâo bruă kiă kriê kjăp, ksiêm dlăng hŏng camera ti 4 anôk ksiêm dlăng klei ruă tưp ti dŭm mbah êlan mŭt hlăm alŭ wăl./.

Pô mblang: Y-Khem Niê