VOV4.Êđê - Khădah hmăi amâo mâo jăk mơ̆ng klei ruă tưp Covid 19, ƀiădah hlăm 6 mlan akŏ thŭn 2021, hnơ̆ng đĭ kyar bruă duh mkra ti Gialai ăt djăp 9,7%, jing đĭ êbeh kơ dua blư̆ mkă hŏng wưng anei thŭn dih. Klei anei mâo bi êdah ti anôk pŏk klei bi kƀĭn tal 2, wưng păn bruă 2021 – 2026 mơ̆ng Êpul Gơ̆ng bruă ƀuôn sang čar Gialai, mkŏ mjing aguah mbrue (9/8) ti ƀuôn prŏng Pleiku. Tui si klei hâo mdah ti anôk bi kƀĭn, hŏng hnơ̆ng mâo jih jang truh 9,7%, hnơ̆ng đĭ kyar bruă duh mkra 6 mlan akŏ thŭn 2021 čar Gialai êbeh 2,33 blư̆ mkă hŏng wưng anei thŭn 2020. Ăt hlăm 6 mlan, čar mâo ngă leh djăp hdră mdrơ̆ng hŏng klei ruă tưp hlăk dôk đĭ lar hlăm yang ƀuôn, mkŏ mjing tlŏ vaccine gang mkhư̆ klei ruă tưp Covid 19 kơ êbeh 47 êbâo 800 čô mnuih, hlăm phung năng tlŏ tal êlâo. klei bi kƀĭn tal dua, wưng păn bruă 2021 –2026, Êpul Gơ̆ng bruă ƀuôn sang čar Gialai dưi mkŏ mjing hlăm dua hrue (9 lehanăn 10/8) srăng ksiêm dlăng, bi mklă truh 12 hră mdah, lehanăn klei čih mkra hdră mtrŭn. Hlăm anăn, hră mdah kơ klei bi mlih hdră mtrŭn mrô 100 mơ̆ng Êpul Gơ̆ng bruă ƀuôn sang kơ klei ksiêm wĭt, mlih mra klei čuăl mkă 3 mta dliê (wưng thŭn 2025 –2030) hlăk dôk mâo lu mnuih mđing./.

Y Ƀel pô mblang