VOV4.Êđê - Yang hrue dơ̆ng mbruê (5/8), mâo sa čô mniê ba tian mâo klei ruă Covid 19 ti čar Gialai, mâo leh phung nai aê mdrao čar Gialai đru blaih mă anak hlăm tian hŏng klei êđăp ênang. Aê mdrao Nguyễn Tấn Phúc, khua kiă kriê sang êa drao mdrao mnuih ruă covid 19 čar Gialai lač, pô ruă mrô 109 113 wĭt mơ̆ng krĭng mâo klei ruă tưp, dưi thâo ƀuh mâo kman klei ruă tưp covid 19 lehanăn ba mdrao kơ sang êa drao mơ̆ng hrue 31/7.

Hlăm êbeh 1 hrue kăm êgao, pô ruă anei mâo phung aê mdrao ksiêm dlăng kjăp klei suaih pral, kyua dôk ba tian ti mlan knhal tuič. Aguah mbrue (5/8), pô ruă anei mâo klei bi knăl dơ̆ng truh hrue kkiêng, sang êa drao iêu jih jang phung nai aê mdrao hlăm klei blaih mdrao mơ̆ng sang êa drao đru. Phung aê mdrao mâo bliah mă leh anak điêt hŏng klei jăk, ĕ điêt ktrŏ truh 3,8kg. Ară anei, sang êa drao tiŏ nao phung nai êa drao ƀuê dôk kiă kriê pô anei lehanăn hđeh điêt, rơ̆ng hŏng djăp hdră gang mkhư̆ kman klei ruă tưp./.

Y Khem pô mblang